مـنتـديـــات جــروح الـعـراق
اهلا وسهلا زائرنا الكريم بين اسرتنا
ان لم تكن مسجل فنرجو تسجيلك معنى
مع تحيات ادارة المنتدى
مـنتـديـــات جــروح الـعـراق

مـنتـديـــات جــروح الـعـراق
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 طرق رهيبة لخطوبة فتاة احلامك (لحكووووو)

اذهب الى الأسفل 
كاتب الموضوعرسالة
เﱟﺷﺈﻳﻞﱟﱟﺟﺮﯘﯚﺣﻲﱟﱟﺑﺮﯝﺣﻲﱟ
مراقب عامـ
مراقب عامـ
avatar

عدد المساهمات : 42
السٌّمعَة : 1
تاريخ التسجيل : 17/11/2010
العمر : 26
الموقع : العراق

مُساهمةموضوع: طرق رهيبة لخطوبة فتاة احلامك (لحكووووو)    الأربعاء نوفمبر 17, 2010 2:51 pm


الطريقة الاولى
طريقة المشيطنين :

تخلون فد عكروكه كولش جبيره بطريق البنيه اللي تحبونها
بحيث لما تشوفها تصرخ و يغمي عليها
انتم بسرعه تركضون يمها
اول شي تجيبون وياكم بطل مي , حتى ترشون عليها و هي تكعد
بعدين تكتلون العكروكه كدامها و تكومون تباوعولها على اساس كاتلين فيل
بس البنيه راح تدنك راسها و خجلانه و تكول هجي شويه شويه شكرا
انتم هم عود تخجلون و هاي مقدمة الحب و الزواج...
طبعا اذا البنيه ماخجلت و بدون ماتشكر راحت
تكدرون تمشون وراها حتى تندلون بيتها
اذا بعد ماكدرتو تسوون شي اتوكلو على الله اني بعد مالي شغل
لاتنسون خلو اصدقائكم براس الشارع لان يمكن فرد مره اخوان البنيه ييجون
و بعد اذا اجو انشوفكم بذيج الدنيا


الطريقة الثانية
طريقة الي يدرسون هوايه


هاي الطريقة من دور بيبتي و بعد محد يستعملها هوايه
بس يعني هم شويه يمكن تفيد
تروح تكول لل البنيه.. اني سامع عنج كولش دراستج زينه
و ممكن اخذ دفترج حتى اكتب نوت منه
و اذا انطتك اوكي و انشاءالله تنسعدون
بس احسن تاخذ بلاستر هم وياك لان ممكن تضرب بالكتاب على راسك
تكدر هم اذا انطتك الدفتر تكتب هجي كم جمله غزل
طبعا كولش خطيرة هاي الشغله و يمكن تروح بيها
بس اكو فد شغلة ...
اكثر بنات اللي يفكرن بالزواج دراستهن موزينه
فيعني ماتكدر هوايه تستفيد من هاي الطريقة



الطريقة الثالثة
طريقة اللي شايلين خشمهم:


انت تحب فد بنيه ا تصرف وياها بشكل عبالك ماتحبها
دايما تكعد تفكر , هي هم اكيد تحبك و اذا هي تحبك لعد هي لازم تتقدم الك
دايما تتحذر منها و لما تشوفها تدور وجهك خاف هي من عيونك تعرف انك تحبها
بس ييجيلك يوم تشوف كول شعرك صاير ابيض لو يمكن هم صاير كرعه
و البنيه متزوجه و مخلفه كومه
و انت لسه منتظر البنيه هي تجيلك


الطريقة الرابعه

طريقة اللي كووووولش متدينين:


اربعين ليلة تروح للمسجد و تنظف كدام باب المسجد
و تنذر 87 خروف و تختم القران و المفاتيح الجنان و كول الادعيه
و اذا كولش تريد الله يوفقك تدرس فقه
علمود تتزوج البنيه
لاتنسانا بالدعاء

الطريقة الخامسة
طريقة الفنانين :


روح جوه شباك باب بيتهم و غنيلها ابو عوف و زهور حسين
و اخذ وياك جيتارهم
اذا ماتعرف جيتار اخذ كاسيت صغير و على اساس انت تدك
بس اذا ابوها من فوك لزمك و عدمك العافيه اني معليه




الطريقة السادسة
طريقة كولش حبابين:


تعزم البنيه ب فد رستورنت و بطريقة كولش مؤدبه اللي الف مره متمرنها كدام المرايه
تكولها ان تحبها و تريد تخطبها
هي هم يمكن تكولك اني مخطوبه و انت تغني عادل عكله
حبيت وحده يا ناس
اثاري طلعت مخطوبه و تطلع من الرستورنت
مو تنسى تحسب فلوس الاكل.



الطريقة السابعة
طريقة الرومانسية:


انت تروح تصيد فد حيوان من الغابه و و بالرجعه تشوفها هي واكفه يم العين مال المى
و تريد تاخذ مي بالكاسه
بعدين تصير عينها بعينك و تخجلون ثناتكم
و هي تذب الكاسه و تكسرها و انت تركض وراها و تدوس على الكاسه و رجليك يطلعن دم
و هي ترجع و تخلي كطعه على رجلك
مو تنسى بهاي الطريقة لازم تمشي حافي حتى رجلك تطلع دم
طبعا هاي الطريقة اقدم و احسن طريقة بالتاريخ الزواج
و العلماء يكولون وحده من اسباب اللي بنات بعد ماكامن يزوجن
لان هسه اكو حنفيات و بعد ماكو بنيه تاخذ مي من العين


الطريقة الثامنة
طريقة المطفيين:


تروح يمها توكف
و بصوت عالي تحجي ويه صديقك ان متعرف على بنيه ثانيه
و تحب ذيج البنيه و تريد تزوجها
و تحاول تخليها تغار عليك و تحبك اكثر
بس بعدين لازم تحسب الحساب الجدر اللي يجي فوك راسك
و بعد مراح تشوف البنيه


الطريقة التاسعة
طريقة الخجولين :

لما تباوعلها هجي تكوم تصب عرك بكد فد جدر قيمه
تصير احمممر ماتباوع العيونها تلعب باصابعك
هي هم يمكن تضحك عليك
لو تهفي نفسها و تباوعلك
بعدين توديها لل سينما فد فلم هندي
تبجيها و تطلعون بره
و كول يوم تتصل بيها تسالها شنو تسوي هسه
و تخجل تكول كلمة زايده و تسد التليفون
و باليل تكوم تكتب الها اشعار حب
بعدين يوم ثاني هم توديها لل سينما فلم هندي
و هي تكولك ادري تريد تبجيني
اني هم راح اتركك و بعد مااجي
انت هم بس تبقى تباوعلها و تخجل تكولها لاتروح
بس هي مراح ترد عليك لان طلعت روحها

شوف ياطريقة تفيد وياكم
وطبقوها
والنتائج ابد مامضمونه
هههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
طرق رهيبة لخطوبة فتاة احلامك (لحكووووو)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنتـديـــات جــروح الـعـراق :: منتديات ترفيهيه :: نكت وحزازير جديده-
انتقل الى: