مـنتـديـــات جــروح الـعـراق
اهلا وسهلا زائرنا الكريم بين اسرتنا
ان لم تكن مسجل فنرجو تسجيلك معنى
مع تحيات ادارة المنتدى


مـنتـديـــات جــروح الـعـراق
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول
شاطر | 
 

 اشعار عتاب عراقيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مايسترو البصره
صاحب الموقع
صاحب الموقع


عدد المساهمات: 260
السٌّمعَة: 0
تاريخ التسجيل: 17/11/2010
العمر: 22
الموقع: الاردن _ عمان

مُساهمةموضوع: اشعار عتاب عراقيه   الثلاثاء يناير 25, 2011 8:33 am

اشعار عتاب عراقية




اشعار ابوذية عراقية


زمان الجان يزهي كبل مادام

وبجيت عله الخدود الروح مادام

عكبهم كلت اسم الروح مادام

مشوا عني بعد جا شلي بيه؟




مشوا عني شلي بروحي بعدهم

وكت كل غايته عني بعدهم

عيد المايحط جفه بعدهم

حرام انجان يهنه العيد اليه





حرام انجان يهنه العيد ويطيب

ولاجرح البعد يلتام ويطيب

الي بركان حدر الضلع ويطيب

يطك من تمر ذكراهم عليه





يطك من تمر ذكراهم وليراي

الي جانوا نهر عشره وليراي

لهم راي اليفاركنه وليراي

اسير ويّ الضعن ماصح بديه





اسير ويّ الضعن كصدي ولاصاح

بشر لاعدل ظل عدها ولاصاح

حده حدايهم سكته ولاصاح

حده وكطذع بكايه الروح بيه





حده وكطّع غفل روحي منحداه

وعميت وماعرف حدي منحداه

سوه ماكو فرق وحده منحداه

النوايب ذيج بيك وهاي بيه





النوايب دارن وصكن بعدكام

وكضن عشرين من عمري بعد كام؟

كضت كومه من جروحي بعد كام

يمين اجان اداويهن بديه





يمين انجان اداويهن ولاروف

وبعد لا أرحم بحالي ولاروف

تهت لاماي ظل عندي ولاروف

فقط دمع الوجد نهران بيه






فقط دمع الوجد نهران ليلاي

على اللاظم الليلو فوك ليلاي

جذب ماظن تصير بيوم ليلاي

إذا حته آنه صاير موش أليه

إذا حته آنه صاير موش أليه


اكدر اسكت الناس امك واخوتك كلي شيسكت اهواك لو درة بموتك
رحت انا للدكتور شاورني بسكوت لو ولفك يطيبك لو باجر تموت
الميت شمدري من يمشي جناز لا جن طبع بالروح تمشي ويه العزاز
الميت شمدري من يمشي دفان لو يدري يمشي هواة جان شك الجفان
يا عازة الخوان عازتها عازة والماوراها صياح وحشة الجنازة
ميت والمعزيات مش امهاتة ما يبجن على المات يبجن شماتة
ميت والمعزيات ما بيهن امة وحدة تشتم بي او وحدة تغمة
ميت والمعزيات يبجن عيارة طفن على التابوت راس الجكارة



خـَلهــا .. سكتــــــه
حتـٌى لايسمع عدوٌك واليلوم وتِصفـَه نكتــــه
خـَلهــا .. سكتــــــه
سوله بيك اتكًــول كل مامر عليك وتحجي كلشي اللي عرفته..
خـَلهــا .. سكتــــــه
قلبك ابيض مثل قطرات النده او للماعرف لون القلوب ابساع بعته
ونيتك نية نبي او حجيك صدك للجذبوا كل السوالف رحت كًـلته
انته بأيام العسر ماي الوجه مايوم بعته هسه متكًـلي شجاك ...
وكًـتك الما نصح مره اتظنه غير كل موازينه وعشرته
خـَلهــا .. سكتــــــه
خلهه عالمامش تمر اسنينك اليكًــضن قهر
لنهم ا يكًـولون كًــبلك كلمن او حظه او قسمته
خـَلهــا .. سكتــــــه
عفيه وا دم .. عفيه خلكًـك ما جزع لمن جزعته
عفيه روحك تحمل الصبر الصبرته. جم جرح ضمدته بيدك
جم قصيده التكتب او قلمك وريدك
وجم صديج اعله الدغش حط ايده بيدك
وانت ذاك انت التبيع الطيب مارَدٌكْ حـَجي
ولا جذبت جلمات عدوانك نشيدك
لا تظنهم غربه ذوله الذمـّو الناس اعله غفله
ولاتظن واحد يجيك ابشده ويفارك فرحته
وهذا طبع الناس كلمن يجمع النار الخبزته
وانت موش اول حزين ايموت والضحكه اعلى شفته
خلهه سكته... خلهه سكته... خلهه سكته




آنه بس ارد افتهم
شنهو هذا
هاي عيني تشوف لو آنــه بحلم
شهالحلاة شهالجمال شهالانوثة شهالغزال المبتسم
انت لوحة انت صورة البلخيال وتنرسم
انتي يا نصب الجمال و بيك كل معنى واسم
انتي هم من طين مثلي وماي مخلوقة وجسم
انا بس ارد افتهم
انتي رحلة شوق بقلوب الزلم
انتي سالوفة وحجي الماينكتم
إتـكَــٌلي شـُوف
شبيه عيب انا بس ارد افتهم
بيـٌه شي المنثلم
وارد واصفن
عمي بس طرقاعة انت
شوصف بجسمك شذم
ملحك من الراس يفتل للجدم
انت وسفة تمسك كفوف وعلى شفافك شوارب تلتحم
انت سر الحسن عندك واليقرب ينرجم
شلون جرك حبل راعي
انا بس ارد افتهم
ودوم ما راح افتهم





عاتبتهم والك نيه النوب ياقلبي تجي ابحفنة عتاب
وانت مصلوب ابهجرهم لا سؤال ولا جواب
زرعت الوادم وحصدت واحنه حاصدنه التراب
وبعد اجيهم ؟ بيش اجيهم؟ بالدموع السود لو هذا العذاب
بعد شمخلي هجرهم بس عمر وبلا شباب
صحنه يالما شين حنـّـوا خلافكم هالعمر شاب
محد بعينه زركًـنه ولا اذن ردها المصاب
لا نه ليلي ليل واهجع لا طعم للزاد عندي ولا شراب
ضيم والشوك اليهزني منين ما التفت باب
آنه قلبي المارحمته امن العتب فد يوم ذاب
عـلـّه والمصيوب هم يتداوه ويكَـولون طاب
وآنه ذاك آنه على علتي اغفه وتوسد عذاب
يارفيف الشوك هـّود بعد ما بينـّه عتاب
هدنه نتنفس اعذيبي وهذا من حكً الشباب
مو حرام الشوك ينشم والورد حدر التراب
مو حرام البلبل محـّوط بقفصه وبالسمه يطير الغراب
بعد ماينفع عتاب.. انسه ياقلبي العتاب




اصبر الروح بيش و انت بيه الروح
و اذا تطلع اظلن بس جسد خالي
لكيتك من جنت ما لاكي كل الناس
انت اول محب و انت صرت تالي
يلكلك محبه و انت احن مخلوق
معقوله الحمامه اتصير كتالي
صح ماكو بجمالك اني ادري بهاي
و روجه رقتك ما كظها اي جالي
حرام اعليك تزعل ونته الصوج
اجيك انه اعتذر و بلا ذنب خالي
تزعل ليش
غالي و كلشي عندي و ما اهدك دووم غالي
و هسه حبك جيف صرت غالي
احسك تختلف عن كل الناس بعيوني اشوفك علنجم عالي
و اشوفن دمعتك ما جنها تنزل ماي
ذهب تنزل دمعتك تجدح اتلالي
الك بستان عمري بكل ثمن مزروع
راضي بكلشي منك كلشي يحلالي
اجيك و من ارد فارغ ارد للغير
و عنب بس اعله مودك تارس اسلالي
يمك انسه روحي و من اكون وياك
و على فنجان شفتك تركع ادلالي

الواشي بلا بخت مرني و زعلك
اموت انه ولا يوم اجرحنك و زعلك
حلو كلك على بعضك و زعلك
بحلاتك فدوة بس ارضى عليه



موعد حب


هو / اشلونچ يا أعز
الناس عندي ..
هو الگلب چم أحبيبه عنده ..

هي / هزني الشوگ
عالموعد اتانيك ..
وأعد بيدي الدقايق
وحده وحده ..
وحده .. اثنين ..
هاي الثالثة تروح ..
اتاني وصار هالموعد اشبعده
نمت حسبالي
اشوفك بالحلم جاي ..
وگلت دمعاتي احطهن وسط خده

هو / نمتي .. هنيالچ غفيتي ..
وآنة ليلي يمر على
عيوني صبح
الينيَّم وردة ويمسد عليها..
مو مثل ليلولي وينيم جرح .. !!
والغفه ابكلمة محنه ..
مو مثل الينام وبعينه ملح ..!!

هي / لا حبيبي ..
آنه هذا الليل من يمرني دمعة..
وحزن.. واشواگ .. وحنين
آنه عيني عليك ما بطل دمعها ..
تبچي ما تسكت العين ..

هو / لا .. لا تبچين ..
امسحي دمعتچ
وارجوچ لا تبچين ..
يل دمعچ جمر
وخدودچ احلى أورود ..
خايف على اخدودچ من دموع العين ..
لا تبچين ..
وردة وتحترك ما تحمل النيران ..
يذبل كل ورگها وتستحي من الطين ..

هي / وانت تگلي لا تبچين ..؟
مو عمري انتهى .. وايامي كلها أتروح ..
لو راح العمر متگلي اجيبه أمنين ..؟

هو / لا تبچين ..
المن بعد المن تسوه دمعه أتطيح ..
هو اشباقي بينا
ونحترگ كل حين ..
تعبنا القهر ممشى جزيرة وخوف ..
صار الماضي غلطه وچنه غلطانين !!
لا تبچين لو يسوه العمر يمكن بچينا اسنين ..

هي / اشلون اتگلي لاتبچين ..

هو / لا تبچين ..!!

هي / تدري انت اليحب
ما يگدر اعله النار ..
ويا نار اللي بيَّه أتفزز الميتين ..
احتاج الدمع من ما اشوفك يوم ..
لأن يصبح عليَّ اليوم خمس سنين ..!!
حبيبي لخاطري ..
لا تبتعد ارجوك
ما احمل فراگك ..
تدري كلش زين ..

هو / بس ارجوچ لاتبچين ..
خوفي آنه عليچ من الدمع والله ..
مرات الدمع
ياخذ حلاة العين ..
ويل كلچ ترافه ارجوچ لا تبچين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
غسق الزعماء
كبار الشخصيات
كبار الشخصيات


عدد المساهمات: 10
السٌّمعَة: 0
تاريخ التسجيل: 26/01/2011
العمر: 23
الموقع: اوكرانيا

مُساهمةموضوع: رد: اشعار عتاب عراقيه   السبت يناير 29, 2011 2:53 pm

يسلمو يا مايسترو على تلك المعزوفة الراعئة من الاشعار التي احسست بالحن العتاب فيها يرن في القلوب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مايسترو البصره
صاحب الموقع
صاحب الموقع


عدد المساهمات: 260
السٌّمعَة: 0
تاريخ التسجيل: 17/11/2010
العمر: 22
الموقع: الاردن _ عمان

مُساهمةموضوع: رد: اشعار عتاب عراقيه   السبت يناير 29, 2011 3:13 pm


يدللو يالغالي

وشكرا على مرورك


ــــــــــــــــــــــــــــــــــ التوقيع ـــــــــــــــــــــــــــــــــــــــــــ
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

اشعار عتاب عراقيه

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنتـديـــات جــروح الـعـراق ::  :: -